موضوع: تقرير : طارد الأرواح الأزرق ( Ao no Exorcist ) الثلاثاء 27 سبتمبر - 20:04
-
بسم الله الرحمن الرحيم السلااام عليكم ! كيف حالكم شباب ،بنات ؟! اليوم جهزت لكم تقرير لأنمي قديم شفته لكن واللهي انه يستحق المشاهدة واللي ماشافه وش ينتظظظر ! الأنمي أكشن والغاز وتشويق
معلومات عن الأنمي :
الأسم : Ao no Exorcist او طارد الارواح الازرق بالعربي التصنيف : مغامرات اكشن ، شونين ، خارق للطبيعة تاريخ الإصدار : 17 أبريل 2011 عدد الحلقات : 25 (في فلم له بعد) مدة الحلقة : 24دقيقة التصنيف العمري :13 سنة وما فوق المصدر الاساسي : مانجا يابانية استديو الإنتاج : A-1 Pictures التقييم : 7.56
قصة الأنمي :
الأحداث تبدأ عند طفلين كانوا عايشين مع طارد ارواح وهذا الطارد قس بكنيسة تبنى الولدين من طفولتهم .. أحدهم كان "رين " اللي كان مراهق مامنه لافايدة ولاعايدة كل ماتوظف انطرد والمدرسة كاشينه وكل يوم متهاوش مع عيال الحارة الكل متوهق فيه تبدأ الأحداث لما الشيطان نصب له كمين بوقتها يكتشف "رين" انه ولد شيطان من أم بشرية .. الشيطان اللي يبي يستحوذ عليه عشان يفتك بعالم الأنس كله ! بس وش بيسوي رين لما يكتشف هذا الشيء ؟ وهل بيقدر الشيطان يستحوذ على جسده هو أو اخوه وينفذ خطته ؟
ابطال ألأنمي :
رين أوكومورا
وهذا بطل القصة اللي تكلمنا عنه من وجهة واضح انه درباوي الحارة وصفت شخصيتة بالقصة م يحتاج اعيد ولا؟
يوكيو أوكومورا
وهذا اخوه واللي من شكله واضح انه تكن وثقيل يعني يضحك اختلاف الشخصيات ..هذا اللي يرقع وراه اخوه طبعًا ذكي وهادئ .. وشخصيته تجذب بعد بتحبه
وهذا القس اللي تبناهم . اتوقع اسمه شيرو صائد ارواح جيد ، ومتحمل بلاوي رين كثر الله خيرة والله انه شايب يخاف ربه ... مدري ليه محد مسولف عن شخصيته بالتقارير احسه اهم واحد
طبعًا في زملاء لهذي الشخصيات بتخوض معهم المغامرة عشان انقاذ عالم البشر لكن صعب احصرهم بالموضوع بتتعرفوا عليهم بالصور اللي بنزلها لكم الآن .. استمتعوا :
موضوع: رد: تقرير : طارد الأرواح الأزرق ( Ao no Exorcist ) الخميس 29 سبتمبر - 22:50
-
ارحححب ليفااي! والله الانمي شكله اسطووري ، تقريرك مشووق رغم انه نصه استهبال مابقى احد ماطقطقت عليه ، مفروض انه اكشن خليته مصخرة الله يهديك بس استمتعنا معك ، كثر من هالتقارير ! يعطيك العافيه ، أستمرْ ياوحش .